احمد خان گلزار :احمد خان، تخلص ’گلزار‘ ذات پليجو ويٺل ڳوٺ جنگشاهي، ضلعو ٺٽو، 17 اپريل 1927ع تي ڄائو. ٻن سالن جو هو ته سندس والد وفات ڪري ويو. ڇهن سالن جي عمر ۾ کيس ڳوٺ جي ملا مڪتب ۾ داخل ڪرايو ويو، جتان قرآن شريف ۽ سنڌيءَ جا ٻه درجا پاس ڪرڻ بعد ٺٽي جي مشهور محدث ۽ جيد عالم مولوي محمد حسين ٺٽويءَ وٽ دينيات جو فارسي ڪورس مڪمل ڪيائين. اڃا زير تعليم هو ته سندس والده جو انتقال ٿي ويو. قلبي فڪر ۽ ذهني پريشانيءَ جي ڪري گلزار اڳتي پڙهي نه سگهيو ۽ تعليم ترڪ ڪري گذر سفر لاءِ ڪيتريون ئي سرڪاري خواه غير سرڪاري ملازمتون ڪيائين. 1949ع ۾ تپيداريءَ جو ڪورس پاس ڪري تپيدار ٿيو ۽ آخر تائين انهيءَ ملازمت ۾ رهيو.
شاعريءَ ۾ سندس استاد پير محمد ’پياسي‘ هو. سندس ڪلام ۾ غزل، گيت، ڪافيون، بيت، مرثيا ۽ قصا وغيره شامل آهن. 1969ع ۾ گذاري ويو.
1927.04.17 عيسوي
احمد خان گلزار :احمد خان ، تخلص ’ گلزار ‘ ذات پليجو ويٺل ڳوٺ جنگشاهي ، ضلعو ٺٽو ، 17 اپريل 1927ع تي ڄائو .
1969.00.00 عيسوي
احمد خان گلزار: شاعريءَ ۾ سندس استاد پير محمد ’ پياسي ‘ هو . سندس ڪلام ۾ غزل ، گيت ، ڪافيون ، بيت ، مرثيا ۽ قصا وغيره شامل آهن . 1969ع ۾ گذاري ويو .